నేను నిన్ను ప్రేమిస్తున్నాను... అని చెప్పడం నేటికాలంలో ఓ ఫ్యాషన్ అయిపోయింది.
ప్రేమంటే ఏంటి...? ప్రేమంటే ఇదేనా ... ఇంకేదోనా....?
నాకెందుకో చాలా సార్లు ఈ ప్రేమ గురించి రాద్దమనుకున్నపుడల్లా ఇంతకి ప్రేమంటే ఏంటి అనే ప్రశ్న మొదలవుతుంది...
నాకు తెలిసి ఈ భూప్రపంచం మీద ఇదే ప్రేమ అని సరైన నిర్వచనం ఇచ్చిన వారు లేరేమో...
ఎందుకంటే వారి దృష్టిలో ప్రేమ కి నిర్వచనం అదేనేమో
ఈ కాలంలో కొంత మంది యువత ప్రేమ కు చెప్పే నిర్వచనం చాలా సింపుల్, "ప్రేమంటే... ఒక వయసుకొచ్చాక మానసిక, శారీరక అవసరాలు తీర్చుకోవడానికి ఆపోజిట్ సెక్స్ 'తోడు' కోరుకోవడం" అంతే. అలాగని అందరూ అలా ఉన్నారని కాదు.ప్రేమ! యువత నోటివెంట అలవోకగా కదలాడుతున్న మంత్రం. దీన్నే నిత్యం జపిస్తూ, ఆ నామస్మరణలో మునిగితేలుతూ తమ జీవితాలను ఫణంగా పెడుతున్న అమాయక యువతులెందరో! భవిష్యత్తుపై దృష్టిపెట్టి, కెరియర్ను సీరియస్గా తీసుకుని, చదువుపై ధ్యాస పెట్టాల్సిన వీరంతా తెలిసీ తెలియని మత్తులో కొట్టుకుపోతున్నారు. ఏది నిజమో, ఏది అబద్ధమో తెలియక జీవితాన్ని బుగ్గిపాలు చేసుకుంటున్నారు.
అప్పుడే యవ్వనంలో అడుగుపెట్టే యువతులకు అంతా కొత్తగా వుంటుంది. అన్నీ తెలుసుకోవాలనే కుతూహలం వుంటుంది. దీన్నే ఆసరాగా చేసుకుంటున్నారు అబ్బాయిలు. ప్రేమ పేరుచెప్పి వలలో వేసుకుంటున్నారు. సినిమాలు, షికార్లంటూ కొత్తలోకాన్ని పరిచయం చేస్తున్నారు. త్వరలో పెళ్లిచేసుకుంటాం కదాని అడుగు ముందుకేస్తున్నారు. అది తప్పటడుగని తెలిసేసరికి ఆ అమ్మాయిలు సుడిగుండంలో చిక్కుకుపోతున్నారు.
యువత నిజ సమాజంలో కోరికను తీర్చుకునేందుకు ప్రేమ పేరుతో యువతులను మోసం చేస్తున్నారు. ప్రేమిస్తున్నానని అమ్మాయిల వెంటపడి వేధించటం, కాదంటే తిరస్కారాన్ని భరించలేక వారిపై యాసిడ్ పోయటం, కత్తులు, బ్లేడ్లతో దాడి చేసి వారి ప్రాణాలకు ముప్పుకలిగించే పైశాచిక ప్రవృత్తి ఇటీవల కాలంలో ఆందోళనకరంగా పెరుగుతున్నది. కోరుకున్న వ్యక్తిని, రెండవ వ్యక్తి ఇష్టాఇష్టాలతో నిమిత్తం లేకుండా సొంతం చేసు కోవాలనుకునే రాక్షస ప్రవృత్తి అమాయక యువతుల జీవితాలతో చెలగాటానికి దారితీస్తున్నది. ఫలితం ఇటు అమ్మాయిల జీవితాలతో పాటు, అబ్బాయిల జీవితాలు కూడా పూర్తిగా అంధకారంలోకి నెట్టబడతున్నాయి. ఇదీ ప్రస్తుతం యువత అలవరిస్తున్న తీరు.
ప్రేమకు
కొత్త నిర్వచనాలు - ప్రేమిస్తే ప్రాణమిస్తా - ప్రేమించకుంటే - ప్రాణం తీస్తా! - అవునంటే గుండెలో చోటిస్తా - కాదంటే గొంతు కోస్తా! - అవసరమైతే - ప్రేమికురాల్ని చంపైనా - ప్రేమను బ్రతికించుకుంటా! - ప్రేమ త్యాగం చేస్తుంది - అది నిన్నటి మాట - ప్రేమ పగను పెంచుతుంది - ఇది నేటి బాట! - ప్రేమంటే ఆనందించాలో... - భయపడి చావాలో... - అర్థం కాని రోజులొచ్చాయ్!!
కామెంట్లు లేవు:
కామెంట్ను పోస్ట్ చేయండి